A pelle è nu vestetiello culurato,
ca passanno 'o tiempo se cunsuma.
Sott'ô friddo, 'a pioggia e 'o viento;
s'astregne...e 'o culore stegne e sfuma.
A ognuno 'e nuje vene dato ndote.
Però se po' ausà sulo na vota.

Quanno sì gguaglione â puorte ncuollo
cu chill'orgoglio verde 'e ggiuventù.
'A pelle è ssoda, te calza a ppenniello:
te n'avvante comme si â tenisse sulo tu. 
Pelle gialle, rosse, janche, nere:
parene diverse, ma so' ttutte eguale.

Cagnene sulo 'e tunalità, 'e culore:
ma so' ttutte belle, so' ttutte speciale.
Pelle scippate e cchiene 'e ferite aperte,
chiagnene sanghe pe ppugnalate nferte.
Pelle vestute p' 'e ggrande occasione.
Pelle agghindate e cu 'o vestito bbuono.

Pelle cavere quanno 'o sanghe volle.
Pelle agghiacciate cu 'o friddo ncuollo.
Pelle avvellutate, suntuose, alligante,
Pelle surate, chiene 'e gocce 'e bbrillante.
Pelle ca maldrattammo e sgualcimmo,
senza penzà ca è 'a sola vesta ca tenimmo.

Pelle ca cummigliammo pe ppudore,
pecché nun se po' sta' cu ll'osse 'a fore.
Ntanto ca ce vestimmo e spugliammo,
ce scurdammo...nun ce penzammo;
ca fra ll'angele e ll'aneme d' 'o paraviso,
ce vo' poco: abbasta sulo na cammisa.



 








 
1 1 1 1 1
clicca sulle stelle per valorizzare il testo
Profilo Autore: Giovanna Balsamo  

Questo autore ha pubblicato 220 articoli. Per maggiori informazioni cliccare sul nome.

Collegati o registrati per lasciare un commento.

Questo sito utilizza cookie, anche di terze parti, per migliorare la tua esperienza e offrire servizi in linea con le tue preferenze. Chiudendo questo banner, scorrendo questa pagina o cliccando qualunque suo elemento acconsenti all'uso dei cookie.
Per maggiori informazioni sui cookie e per gestire le preferenze sui cookie (di prima e/o terza parte) si invitano gli utenti a visitare anche la piattaforma www.youronlinechoices.com. Si ricorda però che la disabilitazione dei cookie di navigazione o quelli funzionali può causare il malfunzionamento del Sito e/o limitare il servizio.