'A malaparola te sazia. E' semplice, 'stintiva.
È bbella, curaggiosa...nun è accussì cattiva.Guaje si nun ce stesse, s'avess' 'a mmentà
Nu grande vaffanculo ogni ttanto ce po' sta'.
Ê vvote si te scappa nu bellu mm'hê scassato.
Quanno nce vo' nce vo'. Nun me pare nu reato.
Si staje sfastediato e nun vuò penzà a nnisciuno,
comme scassapalle, 'o truove sempe coccheduno.
Pure n'amico pò essere assaje scassacazzo.
Nunn''o vaje certo a dicere."Nun me scassa' 'o pupazzo."
Merda, palle e strunzo sò parole d'ordinanza.
Fanne parte d''o curredo. E' pe rappresentanza.
Ognuno dint''a sacca, oppure dint''a vorza,
se nne porta appriesso 'nu paro pe succorso.
Pecchè a 'nu certo mumento durante 'a jurnata,
'na bella malaparola va sempe cunsignata.
Succere quanno staje dint''a machina e uno te surpassa.
Quanno 'o supermercato faje 'a fila 'a cassa.
Quanno tuorne 'a casa e truove dinto 'a cassetta,
guaje, pubblicita' e tre o quatte bullette.
Parole e maleparole t'aiutano 'a campa'.
Je 'e ddico quanno capita. "Ma vaffanculo và."
Commenti
*****