Ogneduno vo' cchiù
d' 'o nnecessario,
nun s'accuntenta
maje 'e chello ca tene.
Si tene ll'uocchie nire
'e vvo' celeste...
e vva truvanno sempe
'a votta bbella chiena.
Chi tene poco
ê vvote s'allamenta:
'a verità...spisso...
tene pure ragione;
pecché pe ccolpa
'e chi nun s'accuntenta,
nce va sempe a ffernì
pe ssotto 'o bbuono.
Ma po' a cche nce serve,
ma che n'avimm' 'a fa':
'e tanta cose inutile...
nun ce sta 'a necessità!
Chi ampressa, chi tarde,
chi currenno, chi lentamente,
chi subbeto, chi aroppa,
primma o poje...
saglìmmo tutte quante
a 'o piano 'e coppa.
E qquanno jammo llà
addeventammo ngiulille,
cu 'e ricciulille, 'e sscelletelle.
Tutte cu 'o stesso viso:
junnulille, 'a faccia tonna
e mbraccio 'a trumbettella.
Comme casa tenimmo
nu bbellu cielo stellato:
llà nun è mmaje vierno,
è ssempe estate.
Comme cupertelle
tenimmo soffice nuvulelle,
c'ausammo pure pe ccuscino.
Comme cconnola
'a ponta 'e na lunella,
addó nce mettimmo
appiso nu lumino.
E ppo' nce nutrimmo
d'aria e nce saziammo,
cu ll'addore 'e perzeche
mandarine e llimone.
Campammo cu ll'addore
ca vene 'a 'stu sciardino;
pecché ccà ncoppa
nce sta ll'aria bbona.
Ogni ttanto, quanno capita,
nce facemmo n'affacciata,
guardammo abbascio
e cche tristezza!
Vedimmo nu munno
tutto martoriato,
addó ce sta poco ammore,
ma assaje disprezzo.
Se putesse vivere
felice e ccuntente
si ognuno s'accuntentasse.
'A terra è nu paraviso,
ma p' 'a troppa avidità
'a ggente se perde 'o spasso.
Quanta popole
se fanno 'a guerra:
comme vene marturiata
e mmortificata 'a terra!
Città distrutte,
ggente vestuta a llutto.
Famme, carestia, corruzione,
guerre, odio e nniente 'e bbuono.
Quant'aneme mpena
se nne vanno.
Vanno truvanno 'a pace
pe ll'eterno.
Se nne fujeno
'a na vita 'e stiente,
nun ne ponno cchiù
'e sta a ll'inferno.
Na vota arrivate ccà ncoppa
disperate mme diceno:
"famme trasì Cherubino,
mme so' stancato,
'e sta' llà abbascio:
'a terra è addeventata
nu casino."
Ntanto ca saglieno...
lassano miserie,
affanne p' 'a via.
Po' appena trasute
s'addenocchiano
e sse vasano a Mmaria.
'A mamma 'e tutte 'e figlie
ll'accoglie sott'ô largo manto...
e lloro p' 'a cummuzione,
se fanno ll'urdemo chianto.
d' 'o nnecessario,
nun s'accuntenta
maje 'e chello ca tene.
Si tene ll'uocchie nire
'e vvo' celeste...
e vva truvanno sempe
'a votta bbella chiena.
Chi tene poco
ê vvote s'allamenta:
'a verità...spisso...
tene pure ragione;
pecché pe ccolpa
'e chi nun s'accuntenta,
nce va sempe a ffernì
pe ssotto 'o bbuono.
Ma po' a cche nce serve,
ma che n'avimm' 'a fa':
'e tanta cose inutile...
nun ce sta 'a necessità!
Chi ampressa, chi tarde,
chi currenno, chi lentamente,
chi subbeto, chi aroppa,
primma o poje...
saglìmmo tutte quante
a 'o piano 'e coppa.
E qquanno jammo llà
addeventammo ngiulille,
cu 'e ricciulille, 'e sscelletelle.
Tutte cu 'o stesso viso:
junnulille, 'a faccia tonna
e mbraccio 'a trumbettella.
Comme casa tenimmo
nu bbellu cielo stellato:
llà nun è mmaje vierno,
è ssempe estate.
Comme cupertelle
tenimmo soffice nuvulelle,
c'ausammo pure pe ccuscino.
Comme cconnola
'a ponta 'e na lunella,
addó nce mettimmo
appiso nu lumino.
E ppo' nce nutrimmo
d'aria e nce saziammo,
cu ll'addore 'e perzeche
mandarine e llimone.
Campammo cu ll'addore
ca vene 'a 'stu sciardino;
pecché ccà ncoppa
nce sta ll'aria bbona.
Ogni ttanto, quanno capita,
nce facemmo n'affacciata,
guardammo abbascio
e cche tristezza!
Vedimmo nu munno
tutto martoriato,
addó ce sta poco ammore,
ma assaje disprezzo.
Se putesse vivere
felice e ccuntente
si ognuno s'accuntentasse.
'A terra è nu paraviso,
ma p' 'a troppa avidità
'a ggente se perde 'o spasso.
Quanta popole
se fanno 'a guerra:
comme vene marturiata
e mmortificata 'a terra!
Città distrutte,
ggente vestuta a llutto.
Famme, carestia, corruzione,
guerre, odio e nniente 'e bbuono.
Quant'aneme mpena
se nne vanno.
Vanno truvanno 'a pace
pe ll'eterno.
Se nne fujeno
'a na vita 'e stiente,
nun ne ponno cchiù
'e sta a ll'inferno.
Na vota arrivate ccà ncoppa
disperate mme diceno:
"famme trasì Cherubino,
mme so' stancato,
'e sta' llà abbascio:
'a terra è addeventata
nu casino."
Ntanto ca saglieno...
lassano miserie,
affanne p' 'a via.
Po' appena trasute
s'addenocchiano
e sse vasano a Mmaria.
'A mamma 'e tutte 'e figlie
ll'accoglie sott'ô largo manto...
e lloro p' 'a cummuzione,
se fanno ll'urdemo chianto.
