Mentre 'e ninne dormene se scetene 'e ppupate:
aspettene cu ppacienza ca scenne 'a nuttata.
Quanno 'o cielo è scuro e se nzerrene 'e ffeneste
gnome e bburattine jescene fore d' 'e cceste.
'A nu balcone apierto nu ventariello birbante

mbroglia 'e ppagine 'e nu libro 'e fate e ffante.
'E ppupate ballerine s'aizano ncopp'ê pponte
e mannene ciento vasille 'a luna ca sponta.
Nu pinocchietto buciardo cu 'o naso spuntato,
se sfida a dduello cu Ccirano a nnasate.

Na bammulella rossa 'e capille e mmalupina,
fa furbarie e ccufecchie cu 'a volpa malandrina.
Biancaneve cu nu pettine d'oro s'arriccia 'e ricce
e fra mille suspire d' 'o principe se ncapriccia.
Sette nanille curtulille e ppure male ncavate,

lassene Cappuccetto mmano 'o lupo affamato.
N'esercito 'e surdatine cumbatte na battaglia
cu Ccapitano Uncino ca è na granda canaglia.
Peter Pan aggira attuorno a ll'isola ca nun ce sta:
ll'ha perduta, chi 'o ssape si nu juorno 'a truvarrà.

Alice se nne va ngiro spaisata e smemorata:
nun s'arricorda cchiù nemmeno quanno è nata.
Cenerentola suspiranno se nfila na scarpina,
e nce trova annascuso nu scurnuso Pollicino.
Se sape...'e ccriature pe 'a troppa frennesia,

ammeschene spisso 'a realtà cu 'a fantasia!
Mentre tutte dormene...quanno se fa scuro,
'e follette se nfizzene 'int'ê suonne d' 'e ccriature.
Ma pure quanno sì gruosso nun faje peccato,
si truove cunfuorto 'int'ô munno d' 'e ppupate!
1 1 1 1 1
clicca sulle stelle per valorizzare il testo
Profilo Autore: Giovanna Balsamo  

Questo autore ha pubblicato 220 articoli. Per maggiori informazioni cliccare sul nome.

Collegati o registrati per lasciare un commento.

Questo sito utilizza cookie, anche di terze parti, per migliorare la tua esperienza e offrire servizi in linea con le tue preferenze. Chiudendo questo banner, scorrendo questa pagina o cliccando qualunque suo elemento acconsenti all'uso dei cookie.
Per maggiori informazioni sui cookie e per gestire le preferenze sui cookie (di prima e/o terza parte) si invitano gli utenti a visitare anche la piattaforma www.youronlinechoices.com. Si ricorda però che la disabilitazione dei cookie di navigazione o quelli funzionali può causare il malfunzionamento del Sito e/o limitare il servizio.