Comu iè frisca l'aria
di sta notti stiddata,
pare un ciume friddu
ca scorri gilatu.
M'incantu a taliariti
mentre mi sciogghi
i capiddi ca accarizzi,
na nuvola niura e ciaurusa
ca nascunni a to manu
dura e forti come petra.
Du cielu nun m'interessa nenti
si mi copri co to corpo
e mi fai furiari a testa
ca assicuta pinzeri d'amuri.
Ora gemi e ti lamenti
mentri ti vegnu dietro
godennu forti nu silenziu.
Comu iè frisca l'aria
di sta notti incantata,
pari un velu di sposa
ca supra u me corpu se posa.
