Quann'ero piccerella m'hê mparato a cammenà;
mo ca te sì ffatta vecchia songh'i' a tte purtà.
Nun te mantiene allerta; staje int'ô carruzzino:
sì ttale e quale a mme quann'ero piccolina.
M'arricordo quanno m'attaccavo 'a vesta toja;
facevo comme ogni ffiglia fa cu 'a mamma soja.
Tiene 'e capille soffice comme a ll'ovatta:
'a povere 'e luna te ll'ha tignuto 'e janco latte.
Ancora te vulesse sentere pe 'a casa cantà:
cu cchella vocia 'e sirena ca sapeva ammalià.
Quanto mme piacesse capì che staje patenno:
te parlo e nun saccio si mme staje sentenno.
Te nne vaje luntana cu 'o ssguardo, sì assente:
chi 'o ssape che gguarde, chi tiene a mmente.
Chissà quale penziero vaje annascunnenno:
parole e rricorde se stanno sbiadenno.
Chianu chiano comme a na varca sprufunne:
'int'ô sscuro d' 'a notte mano mano t'affunne.
Te chiammo, tu mme guarde, te faccio na carezza,
ogni ppiega d' 'o viso tuojo annasconne tristezza.
Na lacrema te scenne pe st'uocchie cunsummate:
sarrà dulore o ggioia...chissà chi t'ha turbato.
Te vulisse spiecà, ma ogni ccosa te 'a scuorde:
ll'Alzheimer mariuolo s'è arrubbato 'e ricorde.
T'ha scancellato 'a 'int'ô core, 'a int'â mente...
tutto chello ca c'è stato: passato e ppresente.
Mme pare na bammulella...nun parle, nun cammine:
sì tturnata piccerenella e i' te stongo vicino.
Te vengo accanto, t'asciutto 'e llacreme 'a faccia...
e ttu cun nu filo 'e voce mme dice: "piglieme mbraccio."
mo ca te sì ffatta vecchia songh'i' a tte purtà.
Nun te mantiene allerta; staje int'ô carruzzino:
sì ttale e quale a mme quann'ero piccolina.
M'arricordo quanno m'attaccavo 'a vesta toja;
facevo comme ogni ffiglia fa cu 'a mamma soja.
Tiene 'e capille soffice comme a ll'ovatta:
'a povere 'e luna te ll'ha tignuto 'e janco latte.
Ancora te vulesse sentere pe 'a casa cantà:
cu cchella vocia 'e sirena ca sapeva ammalià.
Quanto mme piacesse capì che staje patenno:
te parlo e nun saccio si mme staje sentenno.
Te nne vaje luntana cu 'o ssguardo, sì assente:
chi 'o ssape che gguarde, chi tiene a mmente.
Chissà quale penziero vaje annascunnenno:
parole e rricorde se stanno sbiadenno.
Chianu chiano comme a na varca sprufunne:
'int'ô sscuro d' 'a notte mano mano t'affunne.
Te chiammo, tu mme guarde, te faccio na carezza,
ogni ppiega d' 'o viso tuojo annasconne tristezza.
Na lacrema te scenne pe st'uocchie cunsummate:
sarrà dulore o ggioia...chissà chi t'ha turbato.
Te vulisse spiecà, ma ogni ccosa te 'a scuorde:
ll'Alzheimer mariuolo s'è arrubbato 'e ricorde.
T'ha scancellato 'a 'int'ô core, 'a int'â mente...
tutto chello ca c'è stato: passato e ppresente.
Mme pare na bammulella...nun parle, nun cammine:
sì tturnata piccerenella e i' te stongo vicino.
Te vengo accanto, t'asciutto 'e llacreme 'a faccia...
e ttu cun nu filo 'e voce mme dice: "piglieme mbraccio."
