Club Poetico

E nun vai truanne niente,

sul na risata over',

na chiacchier',

nu svago.




Nu' vai truanne niente,

tu ca ssi na stella,

ca t'appicce, bella,

luntana da' gente.




E nun vai truanne niente,

nun te ne 'mporta,

o' munno è malamente,

nun cirche a ciorta.




Staie lla' ca rire,

staie lla'ca pienz',

e nun ce crire,

nu'tiene chiu pacienz'.




E nun vai truanne niente,

o' vuò bene, nun o facisse male,

nu' vai truanne niente,

si niente vale.




Luntano a ccà,

putisse cercà,

a felicità.




Luntano luntano,

senza na mano,

rint'a mano,

senza nu core,

ca se ne more.




Nu juorn' vulisse fujì,

nu juorn' te vulisse stà,

na notte chiagne,

na notte si fuoco.




E vai annanz' accussì,

e nun vai truanne niente,

nemmeno 'na scintilla,

rint'all'uocchie ra gente,

e nu fesso ca te guarda,

te guarda e sape,

ca ssì comme a nu cardill',

bloccat' re canciell',

na gabbia tutta e ammore,

na gabbia arò se more.




E nun vaie truanno niente,

perchè niente si chiù,

si schiava e nu pensiero,

nun si chiù manc'tu.